Fotogalery

 

 

Foto links: Stonehage Charitable Trust van Londen het onlangs 'n verdere R150 000 aan die WAT geskenk vir die druk van die eerste S-deel van die WAT. Op die foto verskyn Koos Rosssouw van Stonehage, Erna Meaker (voors van die WAT Trust) en Willem Botha (hoofredakteur en uitvoerende direkteur van die WAT).

Foto regs: Oudregter Albie Sachs is 'n groot vriend van die Woordeboek van die Afrikaanse Taal en het onlangs vir die tweede keer besoek afgelê by die WAT op Stellenbosch. Sachs het die werk aan die WAT vergelyk met die bou van 'n Gotiese katedraal: die uiteinde is iets magistraals. Hy het daarop aangedring dat die letter S op die WAT-banier aangebring word vir die foto hierbo omdat hy verheug is dat die WAT reeds so ver gevorder het. Hy het beklemtoon dat Afrikaans 'n rol te speel het in die opheffing van die ander Afrikatale tot die hoër funksies en het die WAT geloof vir die werk wat hulle in hierdie verband doen deur onder andere die opleiding van woordeboekmakers vir die Afrikatale. Op die foto verskyn hy saam met dr. Willem Botha, Hoofredakteur en Uitvoerende Direkteur van die WAT.

 

 

 

Deel XIII word bekendgestel

 

WAT XIII is tydens 'n spoggeleentheid op 31 Julie 2009 bekendgestel.

 

Donateursbord

Die WAT is afhanklik van die ondersteuning van sy donateurs en 'n donateursbord is in 2008 ingewy met die name van die Anker-donateurs. Die Anker-donateurs van die WAT is tans
ABSA Bank, Afrikanerbond, Dagbreek Trust, G.T. Ferreira, Fonds Neerlandistiek, Het Jan Marais Nationale Fonds, L.W. Hiemstra Trust, D.W.R. Hertzog, E. de la H. Hertzog, D.M. Hoogenhout, M. Jooste, Marie Luttig Trust, E. de la H. Meaker, N. Steyn-Trust, Remgro Beperk en Venfin Beperk, Rupert Gesinstigtings, SANLAM, Sappi Beperk, Sasol, Sdu Nederland, Stonehage Charitable Trust, Universiteit Stellenbosch, Universiteit van Pretoria, Universiteit van die Vrystaat

 

 

Slypskole

 

 
     
 

Dit is vir die WAT belangrik om betrokke te wees by die opleiding van woordeboekmakers en die opleiding van leerders in die gebruik van woordeboeke. Derhalwe word opleidingskursusse vir woordeboekmakers en aspirant-woordeboekmakers by die WAT aangebied waarin gefokus word op die spesifieke behoeftes van die kursusgangers. Werkwinkels word ook by skole aangebied om woordeboekgebruik by leerders aan te moedig. By hierdie werkwinkels word die Elektroniese WAT aan onderwysers bekend gestel as 'n hulpmiddel in die onderrig van Afrikaans en word uitgewerkte lesplanne aan hulle beskikbaar gestel.

  
 

 

Woordpret

Die WAT hou vier keer 'n jaar 'n Woordpret om blootstelling te gee aan Afrikaanse skrywers, digters, sangers en vertellers. Zamar, Charlene Truter, Daniel Hugo en Carina Diedericks-Hugo, Dana Snyman en Nico Nel is van die gaste wat opgetree het.

Nog gaste heel links is Deon Meyer, en Johan Bakkies links.

  

 

 

Direksie en Trust Voorsitters

Geskiedenis is onlangs by die WAT gemaak tot vrouens as voorsitters van beide die Direksie en die WAT Trust verkies is. Prof. Magda Fourie is die nuwe voorsitter van die Direksie en mev. Erna Meaker van die WAT Trust.

  

 

 

Afrilex Kongres

Die WAT was in 2008 die organiseerders van die dertiende internasionale Afrilex-kongres. Afrilex is die akroniem vir African Association for Lexicography. Nagenoeg 100 persone het vir die kongres geregistreer en 35 referate is gelewer.

 

Publikasies

Benewens die Woordeboek van die Afrikaanse Taal wil die WAT ook kleiner woordeboeke saamstel. Met befondsing vanuit Nederland is die Etimologiewoordeboek van Afrikaans (EWA) in 2003 gepubliseer. Dit is in 2007 opgevolg met Etimologiewoordeboek van Afrikaans Supplement. Beide publikasies is na-uurs in samewerking met buite-outeurs en met Nederlandse befondsing saamgestel. Die eerste toekenning van die J.J. Smith-penning is in 2007 aan dr. Joost Kist, trustee van die WAT Trust, gemaak vir sy rol in die verkryging van die fondse vanuit Nederland.

  

 

 

 

WAT word 80
   

Die Woordeboek van die Afrikaanse Taal was in 2006 tagtig jaar oud. Die Universiteit Stellenbosch het die viering van die tagtigste bestaansjaar geborg met 'n vingerete en 'n uitvoering van die Stellenbosch Libertaskoor in die Endlersaal. Daar is ook begin met fondswerwingsdinees en die eerste dinee was by Tokara met dr. Mathews Phosa as spreker. Dit is spoedig gevolg met 'n dinee aan huis van Christo en Caro Wiese met David Kramer en Evita Bezuidenhout as gaskunstenaars.

  

 


Woordeboekeenhede vir al die amptelike tale

Sedert 2000 bestaan daar woordeboekeenhede vir elkeen van die amptelike landstale. Die eenhede kom twee maal per jaar bymekaar om sake van gemeenskaplike belang te bespreek.


Algemeen

 

Heel links: Drs. Frik Lombard en Willem Botha beantwoord gereeld op Sondagoggende luisteraars se taalnavrae op die program Die tale wat ons praat van Radio Sonder Grense.

Links: Personeellede van die WAT in gesellige luim.

  

< Terug na die Tuisblad  ::  Terug na bo