Welkom by die
Woordeboek van
die Afrikaanse Taal
Woord
van die Week
bollewange
(bol-le-wan-ge) b.nw.
Kwaad of ontsteld: My vrou is al heeljaar vol moods … Smiddae wanneer ek uit die werk kom, dan is sy al lelik … Jy moet die issue met jou vrou bespreek, maak […]
Die wesensaard van die Woordeboek
van die Afrikaanse Taal
Die wesensaard van die Woordeboek van die Afrikaanse Taal word grootliks bepaal deur sy eiesoortigheid en die spesifieke plek van hierdie woordeboek binne die breë tipologiese verskeidenheid. Die Woordeboek van die Afrikaanse Taal (WAT)
Die keuse en aanbieding van data in ’n omvattende woordeboek is die gevolg van indringende navorsing oor die taal wat in die woordeboek behandel word. Dit is ’n akademiese woordeboek wat op so ’n manier saamgestel moet word dat dit as ’n gesaghebbende naslaanbron deur taalkundiges, ander navorsers en liefhebbers van Afrikaans gebruik kan word.
Die leksikografiese proses wat tot die publikasie van ’n omvattende woordeboek lei, voorvereis navorsing deur die leksikograwe en dus ’n vertroudheid met sowel die woordeboekteorie as die taalkunde asook die vermoë om navorsing te kan doen wat in terme van die eise van die praktyk aangebied kan word. Die werk aan die WAT is ’n wetenskaplike praktyk wat lei tot die publikasie van ’n woordeboek wat as ’n belangwekkende opleidings-, navorsings- en onderriginstrument gebruik kan word.
Borg ’n Woord
Onlangs geborg of gekoop
aandoenlik
baanbrekerwerk
datawetenskap
geluk
harwar
ikarus
jammer
kroonwild
meesterstuk
vertwêr