b.nw. Gesellig op so ’n manier dat dit knus aandoen, ook, knus en gesellig: Haar (die kat se) selfgenoegsame gespin het diskreet deur die knusgesellige kamer gesnor (M. Malherbe, vert.: Kersverh., 1939, 25). Ons gaan albei baie graag in ’n restaurant eet waar daar knusgesellig kerse op die tafels brand (A. Blignault: Plesierboom, 1967, [...]

(tra-wal) s.nw. (‹Port. trabalho, “probleme”) 1 Probleme of swaarkry: (Dié) Griet (’n karakter in ’n boek) is sommer net so ’n gewone, eietydse stadsGriet wat hier op bladsy twee van Marita van der Vyver se boek met haar kop in die gasoond lê om ’n end te maak aan haar aardse trawal (Insig, Mei [...]

s.nw. (tennis) Telling wat nul verteenwoordig, hetsy in ’n pot of stel: B. was met stroop 30 agter, maar vier briljant gespeelde potpunte het hom met 6—5 laat voorloop (Die Burger, 29 Jun. 1994, E). Met die telling op 3—3 het sy S. se afslaan die eerste keer gewen, drie breekpunte op haar volgende [...]

(skor-ro-skor-ro) s.nw., skorro-skorro’s. (geselstaal) (‹Tswana, “ou motor”) Ou, gehawende, afgeleefde voertuig wat nie baie betroubaar is nie, veral ’n taxi wat i.d. townships gebruik word: Praat jy met die eienaar van ’n skorro-skorro, kom jy gou agter hy ry nie daarmee om ander motoriste te frustreer of ongelukke te veroorsaak nie. Hy wil ook [...]

(sa-vant) s.nw., savante of savants. (sielkunde) (Fr.) Iem. wat t.o.v. sekere vaardighede, veral waarby die geheue ter sprake kom, briljante vermoëns toon, maar van wie die sosiale of intellektuele vermoëns soms beperk is: Dit (is) niks vreemds om ’n savant te ontmoet wat blind is, maar homself geleer het om 14 musiekinstrumente te speel [...]