taalmonument

(taal-mo-nu-ment) s.nw., taalmonumente.

1 Struktuur opgerig om ’n taal te gedenk: Die feit dat daar so iets soos ’n taalmonument opgerig is, bewys hoeveel geesdrif vir hul taal daar onder die Afrikaners geheers het (A.J.D. de Villiers: Hollandse Taalbeweging, 1936, 154). Die oprig van ’n taalmonument in die Paarl het Afrikaanssprekendes so begeester dat sowat 40 dorpe landwyd hul eie kleiner taalmonumente opgerig het (Huisgenoot, 8 Nov. 2017, E).
2 Iets wat van blywende waarde is vir ’n taal: As ’n mens in aanmerking neem hoeveel tyd deur woordeboekmaak in beslag geneem is, dan is daar rede om van hierdie werke as taalmonumente te praat (TNT, Jun. 1984, 92).